احذروا من الفلاشات المضروبة

إخواني المشاغبين

بعد تكرر ظاهرة الفلاشات المضروبة رأيت انه يجب التحذير من هذه النوعيه حيث انها منتشرة و المقصود بالفلاشه المضروبة ان المساحه بيكون ملعوب فيها بمعني ان الميموري شيب اساسا مثلا 512 ميجا و لكن لو جبت خصائص الويندوز تلاقي كاتب 8 جيجا مثلا و تباع علي هذا الاساس!!

أعراض الفلاش الملعوب فيه:

متنوعه و لكن اشهرها

1-تضع ملفات علي الفلاشه و لما ترجع تاني للفلاشة لا تجدها

2-تضع ملفات علي الفلاشة فتتحول الي ملفات غريبه او فولدرات

3-تضع ملفات في حدود الحجم الاصلي لا مشكلة اذا زاد الحجم الجهاز هنج

4-تضع ملفات و اذا كان الحجم كبيرا يقولك الفلاش محمي و اذا كان صغير لا مشكلة

الموضوع من زمان و ليس الفلاشات فقط و لكن كذلك mp3 mp4 ipod و هلم جرا

و لكن مؤخرا لاحظت زيادة الحالات دي في موضوع تصليح الفلاش ميموري

فقولت وجب التحذير مثلا في فلاشات 16 الحجم الاصلي 4 و في 8 الاصلي 1 و في 32 جيجا الاصلي 265 ميجا!!

فاحذر عند الشراء و يفضل ماركة معروفه و محل موثوق منه و الضمان

ازاي أتاكد من فلاشتي؟؟

بعد المخمخه لقيت تلات حلول اتنين عملين و التالت يعني

1- ببساطة انسخ عليها ملفات بحجمها و شوف هتاخدهم ولا لا و ارجع انسخهم علي الجهاز و شوف الحجم الكلي و شوف الملفات شغاله ولا لا

هي هتاخد وقت بالذات مع الفلاشات الكبيرة بس متهيالي أأمن طريقه و متاحه للكل

2-من باب جر الرجل يعني خش علي موضوع تصليح الفلاش و نزل البرنامج الخاص بالفلاشه و لا تستعمله ـــ اكرر ماتفرمتشي بيه ـــ مجرد تشغيل و تشوف هيقرأ بالفلاش قد ايه لان البرنامج بيقرا الكود بتاع الميموري شيب و بعدين يحلله ازاي؟؟

كل ميموري شيب ليه بيانات في صورة كود تدل علي الشركة و الحجم و بيانات تانيه كتير

مثال فلاشه مكتوب علي الميموري شيب بتاعهاk9lbgo8uom

الكود ده معناه ايه؟؟؟؟

حرف ال k ده اختصار لشركة سامسونج ــــ و محدش يسال ايه علاقه الkب سامسونجــ

كده انت عرفت ان الميموري من انتجاهم طيب لو دورت في النت او روحت موقعهم مثلا

http://www.samsung.com/global/busine...mberDecoder.do

و ادخل الكود حرف حرف و شوف النتيجه بنفسك

هتلاقي زي كده

K9 (Memory) : NAND Flash

L (Small Classification) : MLC DDP

BG (Density) : 32Gbit

0 (Technology) : Normal (x8)

8 (Organization) : x8

U (Vcc) : 2.7V~3.6V

0 (Mode) : Normal

اهم بند المساحة 32gbit مش بايت يعني اقسم علي 8 يطلع الناتج 4 جيجا من بتوعنا

يعني اي جهاز فيه الشيب ده مساحته 4 جيجا بغض النظر عن قراءة الويندوز

البرنامج هيوفر عليك الليله دي و يقولك من الاخر المساحه كذا مفيش اسهل من كده

3- الحل التالت انك تقرا الكود بنفسك و احنا صغيرين يعني ازاي؟

تبقي لسه شاري الفلاشه و تقوم فاتحها

و تبص براحتك علي الميموري شيب و الكونترول شيب و علي اللي انت عاوزه

هو حل مش عملي بس يبقي حل

و بس

و مانجلكوش في فلاشة بايظه

كنت هنسي

خد عندك موقعين متخصصين في الموضوع

http://sosfakeflash.wordpress.com

http://fixfakeflash.wordpress.com

ولو انت شايف ان التحذير مهم و عاوز تحذر أخوانك ضع رد يقوم الموضوع ماينمشي و يظل بالصفحة الاولي اكبر فترة ممكنة

و نظرا لكثرة الفلاشات المضروبة السوني

أحذروا

لا يوجد فلاشات sony vaio

شركة سوني لم و لن تنتج فلاشات بهذا الاسم

الاسم ده مخصص لمنتجات سوني من اللابتوب

حتي لو كان الاسم علي العلبة او الفلاشه

زي دي كده

احذروا من الفلاشات المضروبة 110

مضرووبة لا تشتريها

موقع سوني للفلاشات و انواعها

http://www.sony-mea.com/productcateg...-storage-media

و للمزيد بص هنا

http://fightflashfraud.wordpress.com...them-are-fake/

http://fightflashfraud.wordpress.com/?s=Sony+VAIO

احذروا من الفلاشات المضروبة 310

مثال على الغش و الفك و التركيب

الصوره جهاز مشغل MP3 معروض للبيع

لما فتحتة شوفت الغش والتزوير بعينى
احذروا من الفلاشات المضروبة 510

الصوره بتقول الحجم 16 جيجا بايت, طيب نتاكد

نفك الجهاز

احذروا من الفلاشات المضروبة 610

نبحث عن شريحة الذاكره

احذروا من الفلاشات المضروبة 710

بنلاحظ انها سامسونج 904 k9lbgo8uom pcbo CAK468P2

بنروح على موقع السامسونج

و نحط الرقم للبحث و نشوف النتيجه

احذروا من الفلاشات المضروبة 810

تطلع النتيجه سوده

لماذا

اللي بدو يبيع بقول 16 جيجا و شريحه الذاكره 32 جيجا بت يعني 4 جيجا زي ما شرح الاستاذ في الموضوع

يعني مغشوشه و لو فعلا 16 جيجا كان لقينا 4 شرائح ميموري من نفس النوع على الاقل

و الموضوع فعلا مهم

أحب أضيف صورتين فيهم تحليل كل الشيبات ال hynix و هو شيب منتشر بكثرة

اولا الشيب القديم يبدا بحرف ال y

احذروا من الفلاشات المضروبة 910

و الجديد يبدا بحرفي ال hy
احذروا من الفلاشات المضروبة 1010

مشكوووووووووووووووووررررررررررررررررررررررررررررررررررررررررررر ويعطيك العافية

» احذروا .. الخطر القادم انفلونزا الكلاب
» تنبيه هاااام...احذروا هذه القطعة إن وجدتموها موضوعة على حاسوب