حصريا الشرح الكامل لربط اكسس تيبى لينك على الشبكة وبالصور

بسم اللة الرحمن الرحيم

اليوم انا هاشرح لكم كيفية ربط اكسس من النوعين تيبى لينك 500و501 على شبكة ويرلس

اليوم سيكون الشرح وافى لانى لفيت فى جميع المنتديات على الشرح الحقيقى لقيت كلة مسروق ومحدش عارف حاجة فتعالو نشوف الشرح المبسط والممل وبالفلاحى علشان الكل يتعلم معانا العمل الزاى

1------------اول شى نروح نشترى اكسس تيبى لينك واليوم ثمنة 150 جنية واحنا بعد مجبناة فى شوية كلام على الخلف من ضمن هذا الكلام كلة اسمها IP وهنلاقى رالرقم دة تحتها192.168.1.1 او 192.168.1.254 اى منهم دة مهم جدا جدا جدا

2------------نحفظ الرقم دة على ورقة خارجية ونشترى سلك نت عادى وثمن المتر فية 50 قرشمن عند اى حيوان حرامى بتاع نت وسلك كهربا علشان هنوصل الاكسس على السطح ونضع الاكسس فى كرتونة ونطلع من الكرتونة الانتنة بس اللى عاملة زى القلم دى ودى صورتة اهية علشان اللى مش عارفة

دى صورتة علشان اما حد يروح يشترية يبقى عارفة مش يعمل زى الاعمى بقى ويرجع ويقول انا اتلبخت ومعرفتش لان كل الشركات اللى فى مصر نصابين وشوية حرمية اصلا ثمنة 150 جنية انا باكد اهوالبتاعة بقى اللى عاملة زى القلم وراة دى اسمها الانتنة دى لازم تكون فى الهوا مش متغطيةاهم حاجة اسمعو الكلام حلو اغطى الجهاز كلو ماعدا الانتنة دى

3---------بعد ما اوصل واتاكد ان توصيلاتى تمام انزل للكمبيوتر واضع السلك بتاع النت فى الكمبيوتر واشوف هل الكمبيوترين اللى بجوار الساعة عليهم علامة اكس ولا لا لو عليهم يبقى يالكهرباء مش واصلة ياما السلك اللى انتا شارية مش كويس بتاع النت وبتاع النت ضحك عليك طب لو لقينا كل توصيلتنا سليمة ادخل على ايبيهات الكمبيوتر اول حاجة فى واحد يقولى يا بشمهندس انا مش عارف يعنى اية ايبيهات الكمبيوتراقولة ازاى يعمل كل حاجة من غير ما يستدعى حرامى ينصب علية لما يلاقية مش فاهم حاجة
تحت ماى كمبيوتر على الشاشة عندك حاجة مكتوبة ماى نت وورك اضغط عليا ضغطة واحد يمين بس وانزل على الاختيارات اللى طلعت بروبرتز وبعد ما ضغطنا بروبرتز ظهر لنا صفحة وفيها كمبيوترين عليهم تانى نفس الكلام اضغط عليهم ضغطة يمين واختار بروبرتزهيظهر شاشة تانية كدة وفيها مربع صغير وفية كمبيوترات كتير صغيرة ومتعلم بجوارهم علامة صح انزل تحت فى المربع دة واسيب كل الكمبيوترات دى واختار اخر واحدة زى الصورة دى

الكلام واضح اهو
بعد كدة نجيب الورقة اللى احنا كتبين فيها ايبيى الاكسس ونشوفة
لو كان192.168.1.1
نكتب الابيهات بالشكل دة
192.168.1.5
255.255.255.0
مش لازم الباقى
طب لو كان الايبيى كدة
192.168.1.254
نكتب الابيهات كدة
192.168.1.200
بس حاجة مهمة جدا منكتبش الرقم الاخير زى الرقم بتاع الاكسس يعن اية
مكتبش 192.168.1.1 او 192.168.1.254
غلط الاكسس ميفتحش خالص لازم نغير اخر رقم الى اى رقم تانى
انا بنبه على الاخوة اللى اول مرة يعملو العمل دة
بعد مغيرنا نضغط على OK وبعد كدة OK
تانى مرحلة نفتح صفحة e انتر نت عادية خالص ونكتب فوق 192.168.1.1 او 192.168.1.254 على حسب الايبية اللى على الاكسس من الخلف اللى احنا سجلناه فى ورقة خارجية
ملحوظة محدش يكتبلى بقى www.192.168.1.1.com غلط واكبر غلط
نكتب الارقام بس وبعد كدة انتر
هيفتح معانا علطول ويطلب يوزر نيم وباس وورد نكتب فيهم
admin
admin
هيفتح بالشكل دة


نضغط على كلمة نت وورك اللى موجودة عندنا على الشمال
هتفتح معانا الصفحة دى


بعد مننتظر دقيقة نقفل كل حاجة
ونفتح ايبيهات الكمبيوتر مرة تانية ونغير الايبيهات زى ماانا غيرتها فى الاكسس علشان نفتحة مرة تانية
احنا كنا غيرنا ايبيى الاكسس الى 192.168.2.5
نكتب فى الكمبيوتر اى رقم تانى غير رقم(5) اى رقم وok ok نسيف الاعدادت مرة تانية
نروح تانى على صفحة النت العادية ونفتح واحد تانية ونكتب فوق 192.168.2.5 وانتر علطول هيطلب منك يوزر نيم وباس وورد هنكتب admin
admin
تانى ويفتح الاكسس معاك تانى
نقوم المرادى بالضغط على كلمة وير لس فى الاختيارات اللى على الشمالهيظهر تحتها اختيارات نختار (basic setting)
هتفتح الصفحة دىنقوم بتغير الدولة على حسب ما انتا مقيم ورقم القناة الى 6 لانها الافضل


تمام بعد كدة سيف وننتظر دقيقة بس
بعد كدة هنضغط على كلمة وير لس مود علشان تفتح الصفحة دى معانا ونختار الوضع اللى احنا عاوزينة
لو عاوز تنزل منة سلك وتستخدمة انتا فقط تعملة كلينت لو عاوز تشارك الاخرين وعندهم لاب توب وعاوزين يشتغلو علية هوائى تعملة ربيتر لو عاوز تعملة يساعد الشبكة بتاعتك وانتا صاحب الشبكة تعملة اكسس بوينت
زى الصورة دى كدة

وبعد كدة هنلاقى فى نفس الصفحة كلمة فوق كلمة سيف وهى اسمها سيرفاى يعنى البحث عن الشبكة نضغط عليها وهى تبحث عن الشبكة المراد التوصيل مهنا
طب ظهرت الشبك بتاعتنا والاشارة بتاعتها اقل من 30 db الحل اية اقلك اما ان تغير مكانها او تعليها شوية اهم حاجة انة يكون مفيش حاجة بينك وبين البرج اللى انتا بتستقبل منة الاشارة يعن بيت كبير مثلا شجرة كبيرة مثلا
حاجة زى كدة
زى الصورة دى

وبعد كدة نضغط كونكت وبعد كدة سيف ونسيبة بردة دقيقة يسيف اعدادتة وبعد كدة اقفل كل حاجة واشغل النت هيشتغل معايا وبصورة سليمة

ملحوضة لو عندنا اكتر من كمبيوتر فى البيت وعاوزين نشغلهم مع بعض نعمل اية دة بقى لما اشوف التسجيل والردود
حركة جهنمية ولى عندو استفسار عن اى شى يكلمنى على الميل اللى فوق او رقم الهاتف النقال
0162618079
كان معكم المهندس محمد الشربينى من المنصورة

شكرا على الشرح الوافي

merciiiiiiiiiiiiiiiiii

الحياه حلوه