لايابعد عمري بروحي فديتك
ماابي حياتي ياحبيبي بلياك
لالاتناساني أناما نسيتك
لالاتقاطعني أنادوم ماانساك
ان غبت عن عيني بقلبي مبيتك
وان غبت يا روحي ترى الروح واياك
وان غبت عن عيني بحسي رأيتك
من الذي قسى قليبك ونساك
اتبيعني بالرخص وانا اللي شريتك
ما أظن حد للود بياع شرواك
دربك فرشته ورد وانا ماهقيتك
تفرش دروبي في مطبات واشواك
انته بتهدمني وانا اللي بنيتك
تهد بنياني وانا أشيد مبناك
أنا الذي عليت اسمك وصيتك
وانت الذي قاليت لي بس ماباك
ياناكر المعروف والود ليتك
ليتك ذكرت خلا على الحب رباك
غذيتك ابلحمي وبدمي رويتك
وانته بتحرقني بنارك وبلواك
ماتسمع اصواتي اذا انادعيتك
\ وتجرح قليبي وروحي بدعواك
وليش تهجيني واناماهجيتك
ادعي لك ان الله يحفظك ويرعاك
لان قلبي ينتفض لو طريتك
ونته قسي قلبك على الخل مااقساك
يا حبي العاصي أناماعصيتك
ياحبي الجاحد حرمناعطاياك
انته نكثت العهد وانا وفيتك
وان طعتني حبك يطيعك وجازاك
اصغير ربيتك وحبوب سيتك
وكبير لاغيتك وانا ما اتحداك
اذابعدت القلب دارك وبيتك
واذا قربت أسمحك وانسى خطاياك
قلبي تقطع منك لله شكيتك
أشكي لربي وانت للناس شكواك
بكيت من ظلمك حبيبي بكيتك
وانته على غيري سرورك ومبكاك
جرحت قلبي بس اناما سليتك
حاشاك تنسى الحب حاشاك حاشاك
الله بايهديك لو ما هديتك
مده طويله مااجتمعنا اناوياك
مشتاق لك ولهان خلّي بغيتك
اتزورني يامرحبابك وحياك