الدرس انتهى لموا الكراريس
بالدم اللى على ورقهم سـال
فى قصـر الأمم المتــحدة
مسـابقة لرسـوم الأطـفال
ايه رأيك فى البقع الحمـرا
يا ضمير العالم يا عزيزى
دى لطفـلة مصرية وسمرا
كانت من أشـطر تلاميذى
دمها راسم زهرة
راسم رايـة ثورة
راسم وجه مؤامرة
راسم خلق جباره
راسم نـار
راسم عار
ع الصهيونية والاستعمار
والدنيا اللى عليهم صابرة
وساكته على فعل الأباليس
الدرس انتـهى
لموا الكراريس ..
ايه رأى رجـال الفكر الحر
فى الفكرادى المنقوشة بالدم
من طفل فقير مولود فى المر
لكن كان حلو ضحوك الفـم
دم الطـفل الفـلاح
راسم شمس الصباح
راسم شـجرة تفاح
فى جناين الاصلاح
راسم تمساح
بألف جناح
فى دنيا مليانة بالأشبـاح
لكنـها قلـبها مرتــاح
وساكتة على فعل الأباليس
الدرس انتـهى
لموا الكراريس …
ايه رأيك يا شعب يا عربى
ايه رأيك يا شعب الأحـرار
دم الأطـفال جايلك يحـبى
يقول انتـقموا من الأشـرار
ويسيل ع الأوراق
يتهجى الأسـماء
ويطـالب الآبـاء
بالثـأر للأبـناء
ويرسم سيف
يهد الزيـف
ويلمع لمعة شمـس الصيف
فى دنيا فيها النور بقى طيف
وساكتة على فعل الأباليـس
الدرس انتهى لموا الكراريس
ردود كم
صورة صاحب المنتدى محمدالشربينى 01062618079 
![jaber33 الصورة الرمزية jaber33 بيانات اخرى علم الدولة حالة المزاج [Egypt] [13] [Male] اشكال المزاج تغيير العلم والمزاج Thumbsup صلاح جاهين Empty](https://2img.net/i/empty.gif)
موضوع: jaber33 الصورة الرمزية jaber33 بيانات اخرى علم الدولة حالة المزاج [Egypt] [13] [Male] اشكال المزاج تغيير العلم والمزاج Thumbsup صلاح جاهين ![jaber33 الصورة الرمزية jaber33 بيانات اخرى علم الدولة حالة المزاج [Egypt] [13] [Male] اشكال المزاج تغيير العلم والمزاج Thumbsup صلاح جاهين I_icon_minitime](https://2img.net/s/t/17/20/47/i_icon_minitime.gif){kind=icon}
الجمعة مارس 12, 2010 5:32 pm